Julia
und
Jules
Mir Hüürate!
Üsi Liebesgschicht
Afangs Februar 2021: 4 mal Swipe nach links, 1 mal nach rächts…und tadaa es isch e Match! So het üsi Liebesgschicht ahgfange – ganz romantisch uf Lovoo.
Nach wenige Täg heimer am 9. Februar 2021 üsi Händynummere ustuscht.
Am Samstig, 13. Februar hei mir bereits ds erschte Date ka – troffe hei mir nis ds Bärn u si vo dört uf Chäsitz gfahre (wär übrigens Kehrsatz uf Dütsch).
Mir hei die brillianti Idee ka bi iisiger Chelti (-9 Grad) uf Bärn ds spaziere! Am Thunersee wär das nid so schlimm gsy, wel dä bekanntlech d'Umgäbig immer 2-3 Grad wermer macht – aber item...
Bir Elfenou-Fähri hei mir e chline Halt ihbout u hei üse Zwipf (Zwüscheverpflegig) bestehend us mittlerwile chaltem Tee, lauwarmem Glüehwii u chli Nüss, igno. Dr Jules het es feins Züpfli übercho u für's Julia hets es schön orangschigs Röseli gä- wo bis hüt überläbt het.
Nach guetig vier Stund i dere Chelti simer wider bim Bahnhof ds Bärn gsy u hei üs verabschidet.
Am nächste Tag heimer nis noeinisch preicht, wo dr Jules uf Neuedorf isch cho. Mir hei den zäme Muffins bache u üs witer kenne glehrt.
Bim nächschte Träffe simer uf ds Jungfroujoch u si im Ahschluss zum Jules ga znachtässe.
Lange Rede, kurzer Sinn…am 13. März 2021 si mir de bereits zäme cho!
Am 15. März 2024 si mir zäme uf Thun züglet.
Üsi Verlobig isch am 3. August 2024 im Brunni z‘ Leissige gsi.
Am 13. August 2025 findet üsi zivili Trouig ds Solothurn im ängschte Familiekreis statt.
Mir fröie üs, euch am 13. Septämber 2025 z gseh und mit euch dä speziell Tag z fiire.
Üse gross Tag
Wenn:
Samstig, 13. September 2025
Trouig: 13:00 Uhr
Apéro: 15:30 Uhr (undere Hore)
Wo:
Chilche Leissige
3706 Leissigen
Wie:
festlech-elegant
Hochzytsgschänk
Mir plane e Hochzytsreis vo guet zwöi Mönet. Mir wärde i süd-ostasiatisch Rum reise. Folgendi Länder wei mir bsueche: 1. Malediven 2. Sri Lanka 3. Vietnam 4. Laos 5. Thailand Gärn dörft dir üsi Reisekasse mit me Biitrag unterstütze, ahstell vom ne übleche Hochzytsgschänk.
Üsi flissige Hälfer
We dir Frage heit dörft dir nech oh gärn bi üsne Hälfer ga erkundige.
Angelina Wikenhauser
Trauzeugin Julia
079 379 22 83
Sämi Lerf
Trauzeuge Jules
078 744 95 33
Michael Gugger
Tätschmeister
079 752 61 53
So findet dir zu üs
Für Gescht vor Trouig si Parkplätz bim Volg, Bahnhof und mit chli Entfernig bir BLS-Rampe und bir Turnhalle Leissige vorhande.
Wichtige Hiwis zur Afahrt unders Hore:
GoogleMaps git e faltschi Route ah! Ds Krattige muess me via Riesegass ahfahre (Ihfahrt gägeüber vom Schuelhuss Krattige).
Dür die beschränkti Parkplatzsituation empfähle mir Fahrgmeinschafte ds gründe.
